finfin & Calvin 9度嚴冬出嫁 (31Jan,2008)

2008年1月31日
榮幸得到Calvin邀請, 為他和太太finfinf的婚禮擔任大妗姐及伴娘的工作。
9度的氣溫, 出面在下雪, 在這一天出嫁, 真係永世難忘~
取其意頭, 喻意長長久久, 其實都幾好丫:)

一大清早就到左finfin屋企, 由女家入門, 出門, 到男家入門, 出門, 婚禮
婚禮我去得多, 參與倒是第一次, 而且還第一次就擔正大旗 ---兼任大妗姐及伴娘的角色。亦因為要同時兼顧大妗姐及伴娘的角色, 所以才會穿著伴娘衫, 不過大妗姐的工作一樣做到足架。

第一次做難免有少少緊張~好在佢地o既婚禮一切從簡, 所以我依個新人都可以應付到。唔好睇我咁後生, 跟冰姐上堂我好留心又勤力,
能夠學以致用, 真係好開心! 經驗慢慢累積, 下次會做得更好哪

女家斟茶

新娘出門

男家斟茶


佢地真係羨煞旁人, 罕有的初戀到結婚的童話故事
相戀7年多, 終於在7年之癢這個大日子結成夫婦
在此恭祝陳生陳太白頭到老, 永結同心

(攝於尖沙咀佳偶天成2in1)

大妗姐(高)@實習

不知不覺間都上左咁多堂~
今堂係高班最後一堂,大家輪流出o黎實習
今日咩角色都扮暈咁滯~
我學野快,吸收能力高!
今日我記得大部份台詞,係有幾句miss左,但係第一次o黎講表現已經好好~
我知我仲有好多不足,無論係說話技巧,專業知識,定management skill,自信心等都仍待改善中
不過我相信只要勤力d俾心機學,我一定可以係依行大展拳腳! 我好有信心!
我要令自己變成一個好professional o既行內人
"台上3分鐘,台下十年功" 成功絕非僥倖,亦唔係一次就咁順利
我需要不斷學習來增強我的自信心
仲差個中班未上,又要等多兩個月

咁俾心機學,除左為左自己,仲有為左Calvin個婚禮~
今日個實習就當練習,後日就唔可以出錯架哪~
一生人得一次,不容許有任何失誤!

婚禮統籌第一堂

上完wedding planner第一堂, 獲益良多!
導師Angel教左好多專業有用o既知識, 而且緊貼業界, 一d都唔落後
佢o既marketing skill & presentation skill真係好勁, 係我需要, 亦一直好想學o既野
人人識o既野都差唔多, 但人地請唔請你, 最重要係你識唔識得sell自己
說話o既技巧真係好緊要, 做依行, networking都好緊要(導師重複左好多次依個point)

課程仲額外提供好多實習及考察機會
熱切期待5月16號的世紀婚禮

上完堂我好開心, 好鍾意返學
如果miki都可以同我一齊讀就好啦~

大妗姐(高)@入門,斟荼,三朝回門

又上左兩日堂, 學左好多野~:D
今日冰姐讚我勤力呀, 好開心^^
一係就唔學, 一學就要學到最好
對於一d我有興趣o既野...我會好俾心機去學!

大妗姐(高)@上頭,出門

今日下晝又去灣仔上堂~
原來ATV o黎拍野訪問......
我完全唔知情o既情況下...答左幾條問題
我咁後生讀大妗姐...勁異相
千祈千祈唔好俾人見到=.= 醜死怪
今日教上頭, 出門, 好得意~

見番一d識o既同學仔, 又識左幾個新朋友, 我人緣真係唔錯bor
正因為今日拍野o既關係...冰姐帶左佢幾個愛徒o黎
其中一位叫花姐, 佢今個星期會做大妗, 可以帶幾個人去見識下
本來我冇份架, 但係訪問完左之後...冰姐叫花姐帶埋我去呀
好開心有機會出去見識下, 能夠俾冰姐揀中都唔係一件易事...因為佢成日鬧人, d脾氣好串, 邊個得罪佢就大獲哪

原來冰姐丈夫87歲, 兩夫婦都好健康, 四代同堂, 衣食無憂
其實我真係好羨慕佢, 希望我80歲o既時候都可以好似佢咁有福氣

傳統習俗與祭祀班@1

今日上果個係傳統習俗與祭祀班, 同大妗姐有dd牽連啦~
入依行, 唔多唔少都要知多d~聽到果d風水野真係好好笑
女入廚房煲滾水, 男入房開冷氣或風扇, 咁就係風生水起!
依d野, 都係攞個意頭, 為求安心o者:/
不過今日依班勁少人, 10個都冇!

重大決定。。。

凌晨4點...煩惱緊一d野, 訓唔著
一直都諗緊前途問題, 2008年1月到左哪
今晚又同朋友傾過...激發起我團火
我頭先諗左好耐......
剛剛...做了一個好重要o既決定

一直都想讀wedding planner o既課程, 思前想後, 終於報左名
課程有幾個選擇, 但價錢就差好遠...最終, 我揀左依個
美國花藝(國際)學校 - 婚禮統籌管理國際文憑
miki之前報左盈亞持續教育中心開果個
學費平一半, 上堂時間都係少一半, 但係聽佢講個course麻麻地
考慮各方面因素之後...決定揀依個, 見佢口碑幾好, 又有職業轉介
雖然學費好貴......真係好貴......
但係...唔想俾自己後悔, 青春唔係有好多
真係決定左, 就去啦!
橫掂而家, 我有o既係時間, 要為自己o既未來打拼
錢果方面...唯有之後再諗辦法

今個月, 報左大妗姐深造班, 大妗姐高班, 仲有依個婚禮統籌班
1月26號就開班哪, 好快!
我要俾心機~