原來個訪問內容係中七出路！找我做訪問主要想睇返畢業生之後的出路發展。
其實，香港婚禮管理學院教o既課程內容都幾全面，證書又得到國際認可資格。
不過作為過來人，都係果句，做依行一定要好捱得(捱得苦﹑捱得鬧﹑捱得夜﹑捱得煩)，冇返咁上下熱情，真係得個捱字，你可能會做得唔開心。
因為婚禮一生人一次，人地將佢o既人生大事交俾你，你要付出無比o既耐性﹑心機同創意，將佢o既婚禮，當係自己o既婚禮一樣看待，事事都要好小心，盡量唔好出錯，萬一錯左，錯一次，唔好俾自己有第二次，經驗要慢慢累積，咁就會越做越好。
其實我都係好fresh，還在不斷學習階段，希望大家都努力，一齊做一個出色的Wedding Planner！
