大妗姐(初)@萬年曆

d燈籠係咪好靚呢~~~?^^ 我在公司發起"一人一燈籠"行動, 每人帶一個燈籠返o黎, 咁就令到個office有d節日氣氛^^ 中秋節快樂呀~~~ 中秋節例牌放3點, 但係冇我份...因為我又要去上大妗姐班, 初班最後一堂 三堂入面...我覺得今堂係最容易架哪! 唔洗讀書, 唔洗記野, 剩係學睇萬年曆, 根據自己/人地o既出生年月日搵番晒d天干地支出o黎 so easy! 後生係唔同d o既~d aunties係咁問我  今堂變左高材生, 哈哈 我五行欠金, 冰姐話我只適合做專業人士, 唔可以做老闆喎~ 之後要等11月先上中班, 因為想揀夜晚班上堂, 我d annual好寶貴架~~ 落堂唔趕時間...又去搭天星小輪:) 今年中秋冇出街, 係屋企過 一來天氣唔好啦...二來...冇乜mood出街, 出親街一定又玩到好夜o既...都係早d訓好 不過依幾日食左好多月餅, 始終都係美心最好味, hee! 祝大家中秋節快樂, 人月兩團圓:)